عزيزي اليائس

Ahmed hassan 25 أغسطس 2015 | 12:50 ص شعر, شعر عامي 68 مشاهدة

عزيزي اليائس
انا لما الدنيا تخنقني
بكلم نفسي في مرايه
واقول كل اللي جوايه
كلام مكتوم بيطلع
كلام مسموع ومش مسموع
على كام اهه ساكنه ضلوع
على دمعه
وفي الاخر
بولع جنبي كام شمعه
عشان اطفيهم ‏‎:P
بشجعني بكام كلمه
بقول نكته
وبرجع بعد ده كله وأتبسم
بشوف ان الحياه بسيطه
وان ايمانا ده اكبر من اليأس اللي بيسيطر علينا وقت ما نتغم
وكل اللي احنا عايزينه
بكل عزيمه هنجيبه
حقيقه بس محتاجه شوية صبر
ف ليه تيأس