كما عصفور

Ahmed hassan 25 أغسطس 2015 | 12:34 ص شعر عامي 63 مشاهدة

كما عصفور بيبكي
بس من غير صوت
دموعه حتى مش بتبان
بيكتم جوه منه كلام
اهاته حتى مكتومه
حاسس بالظلم في الدنيا
وجواه روحه مظلومه
بيكتم كل شئ ظاهر
وبالضحكه بيتظاهر
بيقنع نفسه ان الدنيا مفهومه
وشايل كل هم الدنيا فوق كتفه
و همه كتير
تشوفه تقول ده سنه كبير
وتديله كمان 50
وهوه شباب ولسه يدوبه في العشرين
بيشكي لنفسه م الدنيا
ولا بيقصد في يوم انسان
ولا بيشكي لأيا” كان
متستغربش منه كتير
ده اصله مريض ومرضه خطير
ومش ذنبه
ده ملقيش حد يوم جنبه
بيسأل حتى انتا بخير
مريض نفسي عايش يمكن
ونفسه يعيش ومش ممكن
و نفسه يعيشها من غير خوف
ونفسه في لحظه مجنونه
يعيشها خارج المألوف
و نفسه و نفسه و نفسه
ونفسه في يوم يعيش سِنُة
ونفسه الشمس تتبسم
يبصلها كده ويشوف
في عينها حد بيحبه