تحميل رواية امرأة بطعم التوت pdf – حلا المطري

Ahmed hassan 16 يوليو 2018 | 2:10 م كتب 350 مشاهدة

اسم الكتاب: امرأة بطعم التوت
  • حلا المطري

التقييم :
سخيفعاديجيدجيد جداممتاز (لا يوجد تقييم)
Loading...

امرأ بطعم التوت
عمل من 238 صفحة مكتوب كامل بالفُصحى البسيطة الغير مُتكلفة ،، ف بداية الامر من الغلاف والاسم ظنيت أني قدام رواية رومانسية وجدًا انا بكره الروايات الرومانسية اللي غالبًا قصصها متكررة الف مرة زي الافلام العربي لكن زي ما قال الناقد العظيم في فيلم روتاتولي (خلطبيطة بالصلصة) الشهير بالفار الطباخ ،،جُملته الشهيرة “لانجويني ،، فاجأني” حلا هي كمان فاجأتني.

الرواية اتضح انها مش رومانسية نهائيًا ،رواية أجتماعية بتناقش قضية حساسة جدًا بتأثر في معظم أطياف المجتمع وبخاصة الشباب منهم وهي التهويل والترويع المُستمر في أذان البنات عن ان الشباب كائن مرعب، كائن تاني غير البشر، ويفضلوا مانعين اختلاطهم ظنًا منهم بأن ده شيء صواب وينسوا ان كل ممنوع مرغوب فتحصل الكارثة ..

– أسباب التقييم
1 : من حيث اللغة نجحت جدًا المطري في كتابة العمل بالكامل باللغة العربية الفصحى السهلة، الغير متكلفة، مستخدمتش الفاظ صعبة ع القاريء العادي، مظنش انها حاولة تستعرض قوة لغتها ع القاريء وعشان كده العمل خرج بسيط جدًا تحسه كأنه بالعامية من كتر سلاسة اللغة. ومن هنا استحقت نجمة اللغة

2 : من حيث السرد والتنقل بين الاحداث ،، حلا قدمت الراوي بشكل مش غريب او جديد لكن قدمته بطريقة بسيطة، فيها لمستها الشخصية ك كاتبة محترفة، ببساطة قسمت العمل لفصول والبطلة هي الراوي الوحيد ،، بتروي ع محورين متوازيين في مرحلتين عمريتين مختلفيتين،، بتروي عن نفسها وهي طفلة وقد أيه التعند والعادات والتقاليد بيأثروا عليها ويخنقوا حريتها ،، وفي الفصل التالي بتروي هي بقت ايه نتيجة سوء التربية ده والعاادات والتقاليد البالية اللي اتربت عليهم .. وده خلاها تستحق كمان نجمة السرد ونجمة التنقل بين الاحداث. ويحسب ليها قلة عدد الشخصيات بعكس روايات تانية تلاقي نفسك قدام 50 شخصية وتتوه بينهم.

3 : القصة ،، القصة القصة القصة .. القصة هي البطل الحقيقي مع حلا ،، ان كاتبة بنت تخوض تجربة الكتابة عن قضية صعبة وتحكي عن اسباب انتقال بنت ما من مرحلة الاحترام والاخلاق لمرحلة ان تُصبح كما يطلق عليها البعض “عاهرة” مدمنة للجنس مع شخص من جنسية اجنبية اكبر منها بضعف العمر تقريبًا وتتنقل بين اللقاءات الجنسية بمواضيعها وتنقل خبرات “روب” الشخص الامريكي اللي طبقها جلها ع البنت دون خدش حياء القاغريء ف ده تمكن كبير قوي منها واحترام لعقلية القاريء وحرمة بيته كون ان عندنا حاليًا اطفال بيقرءوا كتير. ومن هنا استحقت نجمة القصة.

تحميل الكتاب ناقش الكتاب
--------------------------------------------------------------