تحميل كتاب إنسان بعد التحديث pdf – شريف عرفة

Ahmed hassan 14 يوليو 2018 | 7:43 م كتب 1630 مشاهدة

اسم الكتاب: إنسان بعد التحديث
  • شريف عرفة

التقييم :
سخيفعاديجيدجيد جداممتاز (2 صوت, بمتوسط: 3.50 من 5)
Loading...

كتاب “إنسان بعد التحديث” لشريف عرفة

هو كتاب مكون من تسع فصول وخاتمة بيعرفنا في الاول علي مراحل تطور الإنسان بداية منانسان الغاب وصولا للانسان المستنير… ممكن لما تقرأ العناوين تفهم انه هيتكلم علي حاجة أثرية أو قديمة لكنه في الحقيقة بيقسم الناس اللي عايشين حوالينا بمعيار “طريقة تفكيرهم وتقبلهم للأمور” وبتلاقي ناس فعلاً حواليك متقسمه بنفس المنطق ده لدرجة اني وصلت اني اقسم اصحابي ومعارفي بنفس المعيار وابتديت اراقب واراجع تصرفاتهم بمعيار شريف في كتابه والصراحة لقيت فيه حاجات كتير مظبوطة ومنطبقة عليهم وده ريحني كتير في تعاملي معاهم وتوقع تصرفاتهم.
وبعد كده بيبدأ يشرح تطور حياة كل نوع فيهم بالنسبة لمحاور معينة زي العلاقات الزوجية والهوية والحكمة والسخرية والتجربة الدينية.
ميزة الكتاب ده ان اسلوبة سلس جداً رغم اعتماده علي اللغة العربية دون العامية ،ده كمان علشان شريف استخدم الرسم الكاريكاتوري اللي بيساعدك تفهم المعلومة بشكل اسرع .
مش بس كده الكتاب ماكتفاش بالاسلوب السهل والرسم لكنه اعتمد علي الالعاب الذهنية اللي من علي موقعه وتوجيه اساله للقارئ في الكتاب والمفروض انك تجاوب عليها وده ساعد كتير علي التفاعل وتوصيل رسالة شريف ، ده غير انه كان بيتعمد انه يحط المراجع العلمية في هوامش الكتاب علشان يوصل احساس الاطمئنان للقارئ ان الكلام ده مظبوط وكمان علشان الاكاديميين المهتمين بالموضوع يراجعوا المصادر.
الغلاف راقي جداُ في الوانه وتصميمه ويمكن كمان من ارقي تصميمات الاغلفة الخاصة بكتبه الاربعة السابقة.

مشكلتي الشخصية مع الكتاب مش في محتواه او في غلافه انما في تعريف الكاتب لنفسه بأنه “الدكتور” شريف ؛ ولما تيجي تقرأ سيرة الذاتية المختصرة في آخر الكتاب تلاقيه حاصل علي اتنين ماجيستير في علم النفس الايجابي وادارة الاعمال وبكالوريوس طب وجراحة فم الاسنان !
اتمني لما شريف يقرأ تقريري يتقبل كلامي كشخص مستنير ويعالج الموضوع.

تقييمي للكتاب هيبقي ٩/ ١٠ .

تحميل الكتاب ناقش الكتاب
--------------------------------------------------------------